Eritrean News - assenna

ሜጀር ጀነራል ፊሊጶስ ወልደዮውሃንስ፡  በቲ ፕረዚደንት ኢሳይያስ ኣብ ካቢነ ሚኒስተራት ዘመሓላለፎ ትእዛዝ፡ ማለት ጸብጻባቱ ናብ ሚኒስተር ሚኒስትሪ ዜና ዓሊ ዓብዱ ከመሓላልፍ ቅሩብ ብዘይምዃኑ ብዝፈጥረ ምስሕሓብ ካብ ዝነበሮ መዝነት ከም ዝደስከለ ምንጭታትና ካብ ኣስመራ ሓቢሮም።

እቲ ዲሞክራስያዊ ለውጢ ክግበር ከምዘለዎ ድሕሪ ምጥላብ ምስ ብጾቱ ኣብ ቤትማእሰርቲ ህግደፍ ዝርከብ ላዕለዋይ በዓል ስልጣን መንግስቲ ኤርትራ ዝነበረ ጴጥሮስ ሰሎሞን ብምኽንያት ሕማም ናብ ሕክምና ሓይሊ ኣየር ምስ መጸ፡   ሜጀር ጀነራል ፊሊጶስ ወልደዮውሃንስ ባዕሉ ካብ ዝበጽሖ ንደሓር ኢሳያስ ቅሒሩሉ ከምዝጸንሐ ኣብቲ ጉዳይ ናይ ቀረባ ኣፍልጦ ዘለዎም ምንጭታት የረድኡ።

ኣብ ዝሓለፈ ቕንያት ኣብ ከባቢ ነፋሲት ኣድብዮም ብዝጸንሑ ዕጡቓት መጥቃዕቲ ከምዝተፈጸመሉ ‘ሞ ንስክላ ከምዝደሓነ ‘ውን ይፍለጥ።